Şəkərli diabet, dünya üzrə geniş yayılmış və ciddi fəsadlara yol açan bir xəstəlikdir. Birbaşa ölümcül olmasa da, uzun müddət simptomsuz davam etdiyi üçün ona “sakit qatil” deyilir. Diabetin erkən dövrlərində çox zaman heç bir əlamət göstərmədiyi üçün insanlar bu xəstəlikdən ya təsadüfən müayinə zamanı xəbər tuturlar, ya da ağırlaşmalar ortaya çıxdıqda. Bu xəstəlik tədricən orqanizmdəki vacib funksiyaları poza bilər və bir çox ciddi problemlərə yol açar.

Diabetin yeganə diaqnostikası, qanda qlükoza səviyyəsinin ölçülməsi ilə həyata keçirilir. Müayinə nəticəsində diabet müəyyən olunsa da, onun tam müalicəsi hələ ki, mümkün deyil. Lakin diabetin qarşısını almaq və ya onun təsirlərini azaltmaq üçün mövcud dərmanlar var. Bu dərmanlar, qanda şəkər səviyyəsini tənzimləməkdə kömək etsə də, yalnız dərmanlara güvənmək kifayət etməz. Sağlam qidalanma, düzgün həyat tərzi və müntəzəm müayinə bu xəstəliyin qarşısını almaq və onun fəsadlarını minimuma endirmək üçün çox vacibdir.

Xüsusilə şəkərli diabetin vaxtında aşkar edilməsi həyati əhəmiyyət daşıyır. Dünyada hər 10 dəqiqədə 100 nəfərdə diabet aşkarlanır, buna görə də bu xəstəlik cəmiyyət üçün ciddi bir təhlükə təşkil edir. Zərərli vərdişlərdən uzaq durmaq, sağlam qidalanmaq, fiziki aktivliyi artırmaq və erkən müayinələri vərdiş halına gətirmək, diabetin qarşısını almaq və onun fəsadlarını azaltmaq üçün atılacaq vacib addımlardır.

Unutmayın ki, diabetin qarşısını almaq və ya erkən mərhələlərində diaqnoz qoyulması, daha sağlam və uzun bir həyat sürməyinizə kömək edə bilər. Bu səbəbdən, öz sağlamlığınıza diqqət yetirmək, erkən müayinəni həyat tərzinə çevirmək çox vacibdir. Sağlam həyat tərzi, şəkərli diabetin fəsadlarına qarşı ən güclü qoruyucudur!