14-15 mart 2025-ci il tarixlərində PAŞA Holding, Azərbaycan Respublikası Səhiyyə Nazirliyi, Fərqindəlik Layihəsi, Sabirabad Klinikası və All Medical şirkətinin birgə təşkilatçılığı ilə Sabirabad rayonunda növbəti Səyyar Tibbi Müayinə və Maarifləndirmə Aksiyası uğurla həyata keçirildi.

Tədbir çərçivəsində 300-ə yaxın vətəndaş aksiyada iştirak etmiş, 150-yə yaxın insan isə həkim müayinəsindən keçmişdir. Aksiya, erkən müayinə vərdişlərinin aşılanması və xəstəliklərin profilaktikasının təşviqi baxımından mühüm əhəmiyyət daşıyırdı.

Tibbi xidmətlər və statistik nəticələr

Aksiya çərçivəsində aşağıdakı xidmətlər təqdim olundu:

• Endokrinoloji müayinələr – qan şəkərinin ölçülməsi, risk faktorlarının müəyyən edilməsi, erkən diaqnostika
• Dermatoloji müayinələr – diabetin dəriyə təsiri və diabetik ayaq sindromunun aşkarlanması
• Qalxanvari vəzin ultrasəs müayinəsi

30 nəfərdə şəkər xəstəliyi ilkin mərhələdə müəyyən edilib və 60 yaşdan yuxarı şəxslər arasında şəkər aşkarlanması halları üstünlük təşkil edib. Eyni zamanda, 50-dən çox iştirakçı ilk dəfə endokrinoloq müayinəsində olduğunu bildirib.

Müalicəyə ehtiyacı olan şəxslər İcbari Tibbi Sığorta çərçivəsində analiz, cihaz təminatı və prosedurlara yönləndirildi. 30 nəfərə isə şəkərölçmə cihazları təqdim edildi.

Həkim heyəti:

• Endokrinoloqlar: Dr. Cavid Əliyev, Dr. Röyal Həsənov
• Dermatoloq: Dr. Leyla Burzu (diabetin dəriyə təsiri və ayaq sindromu üzrə müayinələr aparıb)

Maarifləndirmə və seminarlar

Aksiya çərçivəsində keçirilmiş maarifləndirici tədbirlər:

• Diabetin erkən aşkarlanması, düzgün qidalanma və həyat tərzi ilə bağlı seminar
• Dəri sağlamlığı və diabetik ayaq sindromu mövzusunda təlimlər
• Sual-cavab sessiyası – həkimlərlə birbaşa məsləhətləşmə imkanı

Promo və maarifləndirmə alətləri:

• Flayerlər və broşürlər
• Sağlam həyat tərzinə dair məlumat kitabçaları
• Diabet və dəri sağlamlığı ilə bağlı məqalələr
• İştirakçılara qeydiyyat blankları və əlaqə materialları təqdim olundu

Xüsusi aktivliklər: Dilək Ağacı

Aksiyada iştirakçılar öz arzu və motivasiya mesajlarını Dilək Ağacına yazaraq asdılar. Bu, həm simvolik, həm də motivasiyaedici bir atmosfer yaratdı. Eyni zamanda:

• Fotozona yaradıldı və şəkillər çəkildi
• İştirakçılara sağlamlığa faydalı içkilər təqdim olundu
• Sosial şəbəkələr və media vasitəsilə geniş işıqlandırma aparıldı

Media və ictimaiyyətlə əlaqə

Aksiya haqqında məlumat:

• Azərbaycan Televiziyası (AzTV) və AƏRTAC başda olmaqla müxtəlif media qurumlarında yayımlandı
• Fərqindəlik Layihəsinin sosial media hesablarında geniş şəkildə paylaşım edildi
• Aksiya video və fotoqraf komandası tərəfindən sənədləşdirildi

Təşkilati heyət:

Aksiyada 5 həkim, 2 promotor, videqraf, fotoqraf və All Medical şirkətindən 5 nəfərlik texniki və koordinasiya heyəti daxil olmaqla ümumilikdə 15 nəfərlik komanda iştirak etdi.